فيديوهات نفهم التعليمية

خلال 2015-2017، وأنا في أواخر الإعدادية وبدايات الثانوية، كنت بعمل فيديوهات تعليمية على منصة “نفهم”، بشرح فيها مواد مختلفة زي النحو والصرف والرياضيات والعلوم ومراجعات للمراحل الابتدائية والإعدادية والثانوية. اكتسبت خبرات كبيرة واتعلمت مهارات كتيرة جدًا أثناء الشرح وإعداد الفيديوهات ولا زلت بستخدم المهارات دي وبستفيد منها لحد النهاردة.

طرق الشرح والإنتاج

طرق الشرح كانت متنوعة حسب الموضوع، زي الشرح على السبورة، أو بالورقة والقلم، أو باوربوينت، أو مزيج بينهم. وطرق التسجيل كانت مختلفة برضو، ما بين تسجيل بالكاميرا وتسجيل الشاشة وتسجيل صوتي منفصل. في بعض الحالات كنت بكتب سكربت وأسجل الصوت منفصل وبعدين أزامنه مع الباوربوينت أو تسجيل الشاشة.

أحيانًا كنت بعالج الصوت باستخدام Audacity لإزالة الضوضاء أو قص المقاطع الزيادة، وكنت بجرب مؤثرات صوتية. في بعض المقاطع ضفت Echo وكان مزعج بصراحة ومكررتوش تاني 😁، وفي مقاطع تانية استخدمت Reverb وكان أقل إزعاجا من الـ Echo.

التطور والأدوات

الجزء المبكر من الفيديوهات كان على Windows والجزء الحديث على Linux، وهتلاحظ تطور ملحوظ في تصميم الباوربوينت والشرح في الجزء الأحدث.

كنت بألف في تصميم الباوربوينت، معظم التصاميم معمولة from scratch، مكنتش بستخدم templates. أذكر إنه في المرحلة المبكرة على Windows وPowerPoint، كان في تصميم كأنه برنامج كمبيوتر أو بنك أسئلة، وناس في التعليقات كانوا بيسألوا “ايه البرنامج ده؟” وهو باوربوينت عادي 😁

لما انتقلت لـ LibreOffice Impress على Linux، التصاميم بقت مليانة تفاصيل أكتر وكنت بهتم بدقة التصميم وبروق عليه.

في أحد الفيديوهات المعمولة بالباوربوينت كان في جزء محتاج أشرحه بالقلم، فاستخدمت Galaxy Note 2 وفتحت Samsung Notes وسجلت الشاشة وعملت embed للفيديو ده في الباوربوينت في المكان اللي كنت محتاجه. المقصد مش الموقف ده بحد ذاته، وإنما المقصد إن تجربة الشرح وإنتاج الفيديوهات التعليمية دي طورت عندي مهارات التدبير والتصرف في المواقف المختلفة، ولسه بستفيد من كل حاجة اتعلمتها في المرحلة دي لحد النهاردة الحمد لله.

الأدوات المستخدمة

التسجيل: Camtasia Studio (Windows), Vokoscreen (Linux), Camera
الصوت: Audacity
المونتاج: Camtasia Studio (Windows), Flowblade (Linux)
التصميم: Microsoft PowerPoint (Windows), LibreOffice Impress (Linux), Inkscape

فيديو مخفي

وأنا بدور في الأرشيف قبل ما أكتب الكلام ده، لقيت فيديو ما تمش نشره وبفكر أنشره 😁 - فيديو عن صيغ المبالغة والباوربوينت بتاعه متعوب عليه ومعاه PDF كمان…